بیه یت سه رچه مه و حێكمه تین ته فسیرو شێعرێوه و مامۆسا مه وله وی
16




ئاریا هه ورامانی
دیه یت، وینایت، به چه م كه رده و تاو تۆغرایت، په ی ناسۆر كه وته و زامو بیمارو زاما، ده رمانا.
ئاره زو ویناو وه نه وشه كه و كانو چه مه سیاوه كات، ئاواتو یاواپه نه یت، باعیسو هۆرخێزیایوه و دڵی وه رمینین و هۆو جمایوه و ده س په نه كه رده و ژیوای به سۆزین.
ئازیز وه مه رگت دڵ نه خرۆشه ن
ئاره زووی خه ده نگ په نجه كه ی تۆشه ن
داخۆم ئا تاسه داره چننه به ئاوات بۆ كه چه مه رایی تیره و دڵبه ری كێشۆ تا به ی و گیانیش چه نه سانۆ
خه یلێوه ن نامان تیره كه ت ئامان
نامان وه سه ر وه خت بیمار زامان
نه وه شێو كه ده واو ده رمانش تیرێوه نه. سه رده مێوا تیره ت هه وا نه دَیانه. مووڵه تێوا روبه روم نیشانێت نه گرتێنه. ده ی وه ختو مه رگیما.
وه خته ن ساكن بۆ قۆربان ساتیرێ
ده ماخش به رزه ن ده خیل زه نجیرێ
دڵ، بێ سه ركه رده یوه و دوسی جه ژیوای گنۆ، حیچ چرپه و له رزێوش پوه وه مه مه نۆ. گیانش چه نه سنێووه. وه شیش چه نه هۆرگێریۆ.
دڵ بێ دۆس، بێ ده س گیر، لووته ش ئاسمانی پێكۆ، جه وێش به رمشۆ. ئێحتیاج به دوسی هه ن تا زه نجیرش به سۆو به ی جه سه شره.
نه وا جه حیكمه ت به ر بشۆ وه به ر
جار جار وه تیری دڵ نه واییش كه ر
دوسه، مۆرشێد، ده س گیر سه رچه مه و فام و مارێفه تین، ئه دَا و حێكمه تین. په ی یاوای په نه مشیۆم دوسێوه بۆ، لازما ئاره زوێوبۆ، مشێوم گره وایێو بۆ. بێ مورشێد، بێ دڵ، بێ دۆس، دڵ جه فام و ماریفه تی به ری بۆوه، بێگانه گنۆوه. مشێوم تاسێوه بۆ تا سه رچه می دڵی ته قا، تا چه مه هانه كی وه لاَتو دڵی هۆرته قا.
وه ش وه ش تای تۆغرای وێت بنمانه پێش
با هه ر ناسۆر بۆ زوو نه بۆ سارێش
مورشێد مشیوم جه قوولاَیی دڵ و دڵ سۆته ینه هاگادار بۆ، مشێوم ره حم و به زه ییش بۆ و په ی ته قا و چه مه هانا حیكمه تی وێش جار جار برمانۆ. تاسه ژیواین ئانی جه تاسه ی بێ به شێنێ جه فام و مارێفه تی به شێوشا نه به رده ن. تاسه هۆو په نه یاواین. تاسه په یجه ن. لازما به شه ر جه ژیواشینه تاسه قسی ئه وه ڵی كه رۆ. تاسه په رچینوجه وی به ر نه شیه ن. تاسه سه رچه مه و مه عرێفه تین. سه رچه مه و حێكمه تین لازما، دوسێوه بۆ، لازما دوسێو بۆ، لازما عه شقێوی گه وره بۆ. مشێوم په ی وێ دوور وسته یوه جه، »جه وێ به رشیه ی« په ی ویناو وێما دلی جامێته رینه دوسێوه بۆ تا شه وو رۆ به یادَش ژیومی و گه شه كه رمی و غونچه كا مارێفه تی به تاسه شوه و شكنمێوه.
داخۆم ئی ئازیزی مه وله وی كی بیێبۆ كه ئاننه گه وری و تاسه داره بیێنه كه تاوانش كه سێو پێسه مه وله وی وه ش كه رۆ. ئا مه وله ویه كه مه له وانو گه وره و ده ریا و مارێفه تی و حێكمه تی و عێرفانین.
ئه ی ئازیزه بێ گه رده كی مه وله وی ده س وه شانه ت به نه ماچمی په ی په روه رده كه رده یت، په ی به سۆزیت په ی تالیم دایت.