زاروڵه گه وره بۆ! پێسه گرد زارولاَته ری! پێسه دره ختی؟ ریشێ بالاَیش دلێو خاك و زه مین و ئه دَاینه چه قنۆره! دلێو سه وزه لاَنی قسێوه نه بالاَ كه رۆ، هامۆشێیش چه نی ده وروبه ری فره كه رۆ، له قێ فێكریش دلێو روشناو جبه رینه به رۆ سه ر.


ئاریا هه ورامانی
زاروڵه گه وره بۆ! پێسه گرد زارولاَته ری! پێسه دره ختی؟ ریشێ بالاَیش دلێو خاك و زه مین و ئه دَاینه چه قنۆره! دلێو سه وزه لاَنی قسێوه نه بالاَ كه رۆ، هامۆشێیش چه نی ده وروبه ری فره كه رۆ، له قێ فێكریش دلێو روشناو جبه رینه به رۆ سه ر.
ته مه ن و زارۆڵه یی ئاچێوه نه كه سه رتاسه رو ژیوای وه ش كه رۆ! چ چێوێ ده وران و زاروڵه یی وه ش كه رۆ؟ به شێوش ئه دَا و تاته و ده وروبه رێ، به شێ ته رش یاگێ (محیط)، سێحرو یاگا. به شێته رش خۆا؛ ئا كه سه كه جه قسێوه نه ته مام و چاره نویس و زاروڵه ی منویسۆ. به لاَم خوا زارۆڵه ی، ته نیا خواو كتێبی گه وره ی نیاكه رازێنه رو دنیاین و په روه رده كه رو بیه ین، به ڵكه م خوا وارانه مۆسیبه ت باره كاو هامناو خواو ئه وه ڵین په ژاره كایچا كه په ی ئاخرو عاقیبه ت و زارۆڵه ی مه فكرێوناوه و وه خت و وادَه و ژیوا ئادَی كه رۆ تیكه و وێش.
خوا زارۆڵه ی خوایێوا كه پێسه ئه دَایێوه كۆرێ به جم و جووڵێو هه م لاونۆو هه م شه پلاَخێ شانۆ، ئینه ئه وه ڵین خوایێوا كه زاروڵه جه ژیوانیه یاوۆش په نه. ئینه ئاخوانه كه نزیكته را.
چه نی خواو كتێبی گه وره ی (كتاب مقدس) تاوی مامه ڵه كه ری! چه نیش سانی و وره شی! قسێ كه ری و بژنه وی! چه نه ش جیا بێیوه و به ی وه په ی لایش‏ تا ئایاگێ كه تاوی چه نیش گژیه ی! به لاَم چه نی خوایێوی كه وه ش كه رو ته مه ن و زاروڵه ین حیچ كارێو مه تاوی كه ری.
زاروڵه مه تاوۆ پادَی ئیمان بارۆ؛ په ی ئانه یه كه ئیمان ئارده ی دڵ په نه داین. ئینه خواو ساته بێ ره نگه كا ژیواین، ئی خوا دڵ و زارۆڵه یش جه بێشكێنه دزیه ن و به دڵ و وێش چه نیش گه مه كه رۆ.
ئینه قسێوه نه كه حاڵی بیه ی چه نه ش چ جه قه رنه و ویسینه و چ جه قه رنه و سێنزه ینه سه ختا.
جه قه رنه و ویسینه، په ی ئانه یه كه زاروڵه ی پێسه پادشای زاناو جه قه رنه و سێنزه ینه په ی ئانه یه كه زاروڵه ی سه یێوه نه زانێنێ. چی زه مانه نه قۆدره تێوی گه وره چه نه ش ویناو، چا زه مانه نه نه فامیه تێ وی رووت و قووت.
زارۆڵێ قه رنه و ویسی، ئه دَا و تاته ی مانیاو شه كه تێنێ، به حیچ چێوێ ئیمانشانیا، جه شمه داواشا هه نه كه بنیه یدێشا قوه و دڵی و هێزشا په نه ده یدێ!
زارۆڵێ زه مانه و تازه ی پادشایێنێ دلێو بیابانینه
برێو جه ئه دَایا جه پاڵ و ئانه ینه كه هاگاو زاروله كاشا هه نه، مه با به باعیسێ ئانه ی كه زارۆڵێ رایه و وێشا گێرا وه ر، برێ ته ر په ی زاروڵه كاشا خه م وه رێنێ، ئینای فێكرو فاراو راه و ئادَیشانه.
ئه دَایێ ته ماشه و زاروڵێوی كه جه ون و گۆشت و وێشان كه را، به لاَم گه وره بیه یش حیچ وه خت مه وینا.